Home » Articles » Hz Bandagi Miyan Shah-e-Nizam Rz.
Hz Bandagi Miyan Shah-e-Nizam Rz. PDF Print E-mail
Written by By Hz Allahbaksh Miyan Mehdavi   
Monday, 24 August 2015 15:27

SHIJRAH NASAB:-Hazrat Bandagi Miyan Shah Nizam.raz. S/O Shah Khudawand S/O Sultan Dareyn S/O Shaikh Nizamuddin S/O Shaikh Ruknuddin S/O Shaikh Fariduddin Ganj Shakar.rah. S/O Jamaluddin Suleman S/O Shaikh Shoeb S/O Shaikh Ahmed S/O Shaikh Yousuf S/O Shaikh Hamd S/O Shaikh Shahbuddin S/O Shaikh Ahmed @ Farakh Shah S/O Naseeruddin S/O Mohammed Suleman Shah S/O Sultan Shah S/O Suleman S/O Abdullah Masood S/O Waizul Kareem S/O Abdul Fatah S/O Ishaq S/O Ibrahim Adham S/O Suleman S/O Naseeruddin S/O Abdullah S/O Ameerul Momineen Hazrat Umar Farooq.raz.

Allahbakhash Miyan Mehdavi's photo.
*********************************************************************
HUKUMATEIN AUR SALTANAT:-Hazart Bandagi Miyan Shah Nizam.raz.Ke Ajdad Madeena Munauwarah Se Turkistan Aaye Aur Suleman Bin Naseeruddin Ne Balakh(Turkisatan)Mein Saltanat Ki Bunyad Dali.Ek Muddat Tak Unki Aulad Ki Balakh(Turkistan)Par Hukumat Rahi Phir Suleman Bin Abdullah Masood Ne Kabul Mein Ek Khud Mukhtar Saltanat Ki Dagh Bel Dali Jo Ek Lambi Muddat Tak Isi Khandan Mein Rahi.
Aap.raz.Ke Ajdad Mein Se Jamaluddin Suleman Bin Shaikh Shoeb Jo Mehmood Ghaznawi Ke Bhanjey Hotey Hain Sab Se Pehley 576'Hijri Mein Hindustan Tashreef Laye Aur Lahor Mein Qazat Ke Ohdey Par Mamoor Huye Uske Baad Sultan Dareyn Ne Us Waqt Ki Markazi Hukumat Ko Jo Dehli Thhi Kamzor Aur Bejan Hojaney Ki Bina Par"Jayees"Hindustan Ka Mashriqi Hissa Jo Bhagalpur Se Mutassil Hai Ek Chhoti Si Khud Mukhtar Hukumat Ki Bunyad Dali Aur Wahan Ke Badshah Ban Gaye.Saltanat Ka Yeh Silsila Sultan Khudawand Tak Pahunch Gaya Adl O Insaf Ke Sabab Hukumat Kamyab Aur Mustahkim Thhi.
**********************************************************************
WILADAT TALEEM O TARBIYAT:-Sultan Dareyn Ke Farzand Sultan Khudawand Ko Jo"Jayees"Ke Khud Mukhtar Badshah Thhey Allah Taala Ne Do Farzand Diye Badey Farzand Hazrat Bandagi Miyan Shah Nizam.raz.Hain Jo 864'Hijri Mein Shehr-E-Jayees Hi Mein Paida Huye.walid Ne Aapki Taleem Aur Tarbiyat Ka Khas Aur Maqool Intizam Kiya Thha.Aap.raz.Kam Umri Hi Mein Hafiz-E-Kalamullah Hogaye Aur 14,Baras Ki Umar Mein Aadab,Akhlaq,Tehzeeb Jaise Umoor-E-Zahiri Ke Elawah Hukumat O Saltanat Se Talluq Rakhney Waley Umoor Se Bhi Achhi Tarah Aarasta Ho Chukey Thhey.
***********************************************************************
TAKHT NASHEENI AUR RUAB-E-SHAHI:-Sultan Khudawand Ke Intiqal Ke Baad Aap Takht Nasheen Huye aur Hukumat Ki Bagh Dor Apne Hath Mein Lee Usi Waqt aas Paas Ki Saltanat Mein Agarcha Badd Nazmi Aur Khana Jungi Thhi Lekin Hazrat Shah Nizam.raz.Ke Husn-E-Intizam Aur Shahi Ruab Ka Asar Humsaya Saltanato'n Par Aisa Chhaya Hua Thha Ke Kisi Badshah Ya Raja Ko Aap Par Hamla Karney Ki Juraat Nahin Hoti Thhi.
*************************************************************************
JAWANI KA AALAM AUR TALB-E-HAQ:-Jawani Ka Aalam Sarmati Aur Khushi Ke Elawah Kaif Afza Hota Hai.Aqsam Ki Umangein Aur Tamannayein Is Aalam Mein Paida Hoti Hain Phir Ek Mukhtar Waali-E-Saltanat Ki Jawani Jo Kuchh Karey Ya Jo Kuchh Chahey Kam Hi Hai Lekin Hazrat Bandagi Miyan Shah Nizam.raz.Ka Muamla Bilkul Hi Juda Maloom Hota Hai.Yahan Bhi Jawani Hai Aur Khud Mukhtar Saltanat Hai Lekin Aalam-E-Shabab Mein Apni Hudood-E-Saltanat Ko Badhaney Ka Koi Jazba Ya Aish O Ishrat Ki Zindagi Basar Karney Ka Koi Khayal Nahin Hai.Balke Khayal Paida Hua Aur Jazba Ubhar Aaya To Yeh Ke Saltanat O Hukumat Ko Chhod Kar Haq Ko Talash Kiya Jaye Kyun Na Ho Yeh Woh Jawani Hai Jis Ki Rago'n Mein Hazart Umar Farooq.raz.Aur Hazart Ibrahim Adham.rah.Jaise Buzargo'n Ka Khoon Thha Jo Khalifa-E-Waqt O Badshah Honey Ke Bawajood Tarik-E-Dunya Rahey.Aap.raz.Khuda Talbi Koot Koot Kar Bhara Hua Thha Is Liye Zikr-E-Khuda Hi Mashghala Ban Gaya Ziyada Waqt Tanhai Mein Guzarney Lagey Aur Hukumat O Saltanat Ke Kamo'n Se Bezari Paida Honey Lagi Jo Rafta Rafta Nafrat Hi Mein Badal Gayee Idhar Khuda Talbi Ke Jazbey Mein Mazeed Taraqqi Honey Lagi Aur Hukumat Ko Allah Ki Talab Ke Rastey Ka Ka'nta Samajh Kar Takht O Taj Ko Chhodney Ka Hi Faisla Kar Liya Aur Apne chhotey Kamsin Bhai Ko Saltanat O Badshahat Ka Waris Bana Kar Malik-E-Haqeeqi Ki Talash Mein Nikal Gaye.
********************************************************************
HAJJ-E-BAITULLAH AUR PEER KAAMIL KI TALASH:-Aap.raz.Bagharz-E-Hajj-E-Baitullah Aur Talash-E-Murshid-E-Kaamil Apne Mahal se Nikal Padey.Naujawani Ke Is Aalam Mein Bhi Dil Ka Yeh Fatwa Thha Ke Pehley Murshid-E-Kaamil Ka Hath Thham Lo Aur Uskey Dar Se Wabista Hojao To Woh Tum Ko Allah se Mila Deyga.Baghair Murshid-E-Kaamil Ke Tum Khuda Ko Nahin Pa Saktey.Aap Isi Khayal Ke Tehat Hindustan Ke Mukhtalif Maqamat Par Tashreef Le Gaye Aur Murshidan-E-Kiram,Soofya-E-Uzzam Aur Sajjada Nasheeno'n Se Mulaqat Ki Aur Unkey Samney Apna Mudda Pesh Kiya Lekin Sab Ne Yehi Kaha Ke Aapka Zarf Bahunt Ooncha Hai Jo Hum Se Kisi Tarah Bhar Nahin Sakta.Phir Khayal Hua Ke Baitullah Chaley Jayein Hajj Bhi Ho Jayega Makka O Madeena Munauwarh Mein To Kam Az Kam Aisey Log Mil Hi Jayeingey Jinsey Mera Maqsad Poora Hosakta Hai Chunancha Hajj Se Farigh Honey Ke Baad Ziyarat-E-Rasoolullas.saw.Ke Liye Madeena Munauwarah Tashreef Ley Gaye.Madeena Mein Shaikhul Islam Ka Bada Charcha Thha Badey Buzarg Aur Ahlullah Maney Jatey Thhey Aap.raz.Ne Unsey Tarbiyat Hona Chaha To Unho'n Ne Kaha Tumahra Zarf Bada Hai Aasar Se Yeh Zamana Zahoor-E-Mehdi Maud.ahs.Ka Maloom Hota Hai Agar Woh Mil Jayein To Tumahra Maqsad Tumko Mil Sakta Hai.Chunancha Aap.raz.Ne Khuda Ki Talab Aur Murshid-E-Kaamil Ki Talash Mein Room,Shaam.Eiran Aur Iraq Waghairah Mumalik Ka Safar Kiya Jahan Kahi'n Achhey Murshid Ki Khabar Suntey Uski Khidmat Mein Pahunch Kar Apni Matlab Pesh Kartey Magar Woh Log Saaf Keh Detey Hum Mein Sakkat Nahin Hai Ke Tumahri Pyas Bujha Sakein.Mehroomi Aur Na Kaami Ka Ehsas Shadeed Liye Huey Hindustan Wapas Aagaye Lekin Allah Ki Rehmat Se Mayoos Nahin Huye.Allah Ki Zaat Se Poori Ummeed Wabista Kiye Huye Aap.raz.Chapaner Mein Saleem Khan Ki Tameer Kardah Ek Minari Masjid Mein Thehrey Rahey.
************************************************************************
HAZRAT MEHDI MAUD.ahs.SE SHAH NIZAM.raz.KI MULAQAT:-Usi Zamana Mein Hazrat Mehdi Maud.ahs.Ke Shehar Chapaner Ki Jamia Masjid Mein Qayam Farma Thhey.Hazart Mehdi.ahs.Ke Waz-E-Husna Aur Bayan-E-Quran Ka Atraf O Aknaf Mein Charcha Honey Laga.Sultan Mehmood Beghda Ne Tehqeeq Ke Liye Chandd Ulma Ko Apne Do Motamid Umraa Saleem Khan Aur Farhadul Muluk Ke Sathh Aan Hazrat.ahs.Ki Khidmat Mein Bheja.Saleem Khan Aur Farhadul Muluk Ne Aap.ahs.Ka Bayan-E-Quran Sunkar Aap.ahs.Ke Dast-E-Haq Parast Par Baiyat Kar Lee Aur Mehmood Beghda Ko Bhi Is Haqeeqat Se Mutlaa Kar Diya Phir Saleem Khan Ne Hazrat Shah Nizam.raz.Ko Ittela Dee Ke Aap Ko Jis Murshid-E-Kaamil Ki Talash Hai Ek Hasti Jo Hum Naam O Hum Sifat-E-Paighambar Hai Chapaner Ki Jamia Masjid Mein Qayam Pazeer Hai Aur Faiz Ka Darya Baha Rahi Hai.
Hazrat Shah Nizam.raz.Yeh Suntey Hi Jamia Masjid Ki Taraf Rawana Ho Gaye Ek Aashiq-E-Sadiq Peer Kaamil Ki Khidmat Mein Basad Ishtiyaq Jarahey Thhey Hazrat Mehdi Maud.ahs.Ko Farman-E-Khudawandi Pahuncha Ai Syed Mohammed"Hamara Banda Aa Raha Hai Uska Hath Pakad Kar Hum Tak Pahuncha Do"Hazrat Mehdi.ahs.Ki Nazar Mubarak Jaise Hi Shah Nizam.raz.Par Padee Imam.ahs.Ne Farmaya"SOORAT DARYA-E-ZAAHIR HAICH NEESAT AUR SEERAT ZAIBA BAYAR"(Soorat Ke Zaahiri Khoobi Kuchh Nahin Hai Bhai Seerat Ki Khoobi Lao).Is Ke Jawab Mein Shah Nizam.raz.Ne Yeh Shair Padha
AAN JA KE DAR NAGARAM SOORAT-E-RAWIYAT
HAR EK DEEDAH NADARAD GUNA SAB OOSAT
(Main Jahan Dekhta Hoon Wahan Dost Hi Ki Soorat Hai Jo Shakhs Aankh Nahin Rakhta to Yeh Uski Khata Hai).
Hazrat Mehdi.ahs.Ne Aap.raz.Ko Zikr-E-Khafi Ki Taleem Ki Aur Jab Mehdi.ahs.Ki Naak Hazrat Shah Nizam.raz.Ke Moonh Ke Qareeb Huyee To Shah Nizam.raz.Mast aur Behosh Ho Gaye Aan Hazrat.ahs.Aapko Apna Paskhoorda Diya Jis Se Aapko Hosh Aaya Aapko Ek Hujra Mein Rakha Gaya Thhodi Der Ke Baad Phir Aap.raz.Par Behoshi Ki Kaifiyat Taari Ho Gayee Teen Din Tak Aap.raz.Par Tajalliyat-E-Elahi Ke Woh Farawani Thhi Ke Aap Hosh Mein Na Aa Sakey,Teesrey Din Mehdi.ahs.Aap.raz.Ke Hujra Mein Tashreef Laye Aur Farmaya"BHAI NIZAM ASSALAM ALAIKUM MARD BANO"Is Awaz Ka Sunna Thha Ke Aapko Hosh Aagaya,Phir Aap.raz.Ne Mehdi Maud.ahs.Ki Safr O Hazar Mein Aisi Sohbat Ikhtiyar Ki Ke Mehdi.ahs.Ke Wisal Tak Aap.ahs.Ke Sathh Hi Rahey.
Hazrat Imamana Mehdi Maud.ahs.Ke WisalKe Baad Hazrat Sani-E-Mehdi.raz.Ki Ijazart Se Aap Ne Bhi Apna Daira Alag Kar Liye Radhanpur Waghairah Se Hotey Huye Aap Ne Apna Dair Moza Kadi,Anondra Mein Qayeem Kiya Aur Yahin Aap Ka Wisal 8’Zil Qadah 940’Hijri Ko Hua.Aaj Aap Ka Rouza-E-Mubarak Marja Khalaiq Bana Hai Aur Aap Ke Darbar Se Har Koi Faizyab Horahey Hain.
Comments
Add New RSS
Write comment
Name:
Email:
 
Title:
 
Last Updated on Wednesday, 02 September 2015 06:04