×
(01 Mar 2011)

× Welcome to the Mahdavia forum!

Tell us and our members who you are, what you like and why you became a member of this site.
We welcome all new members and hope to see you around a lot!

RAMZAN KI FAZILATH

13 years 1 month ago #146 by adminteam
Dear Members,
As Salaam O Alaikum
Aap sab ko meri taraf say RAMZAN KAREEM ki amad ka bahut bahut MUBARAK BAAD pesh kartay howay ALLAH kay darbar mein dua karti hoon kay is mahnay ki barkat aur fazilath say mujhay aur aap sab ko EMAAN ki daulat sahat aur aafiyath, taqwa aur parhaezgari ki daulat say nawazay..... AMEEN.


ROZAY ka MAQSAD - TAQWA aur PARHAEZGARI ki DAULAT haasil karna hai

"Ay IMAAN WALO tum par rozay farz kardiye gaye hain jis tarah tum sey pehli ummaton par farz kiye gaye thay ta kay tum MUTTAQHI (parhaezgaar) ho jawo.

is ayat mubaraka sey ROZAY ki farziyat aur ROZAY ka maqsad, ALLAH rab-ul-izzat apnay kalam-e-pak mein bayan ki hai, rozay ka maqsad taqwa aur parhaezgari haasil karna hai.

Ab sawal yeh zahen mein ata hai kay taqwa haasil karnay kay liye rozay hi kyun farz kiye gaye hain jabkay taqwa doosray aamal sey bhi haasil kiya ja sakta hai jaisey namaz, zakat, haj aur husn akhlaq wa kirdaar aur deegar ibaadathoon sey bhi taqwa aur parhaezgari haasil hosakti hai?

Is ka jawab yehi hosakta hai kay ramzan mein taqwa haasil karna is liye aasaan hai kyun kay jab tak insaan apnay nafs say parhaez nahi karega woh taqwa tak hargiz nahi phunchay ga kyun kay nafs insaan ko burayi ki taraf layjata hai aur rozay say hi nafs ko qaaboo mein lanay ka bahtareen tareeqha hai.

ALLAH ka irshaad hai kay BESHAK NAFS TOH BURAYI KA BAHUT HI HUKUM DAYNAY WALA HAI (Yusuf:53)

Insaan ki zindagi ka fitna aur shar (burayi) uska nafs hi hai,Insaan ki saari burayi, buray khwahishaat, aur budkari apnay nafs sey hi shuroo hoti hai aur is nafs ko qaaboo mein lanay ka bahtareen tareeqa yeh hai kay baaz awqaat apnay nafs ko jayez aur halal khwahishoon say bhi roak lain, toh yeh ihsaas hoga kay jab halal khwahishoon ko rok saktay hain toh HARAM, jo har halat mein parhaez karna hai ussay bhi door hoskatay hain aur yeh sirf aur sirf ROZAY ki haalat mein achay sey achay tarah kar saktay hain isi liye ROZA apnay nafs ko burayi say roknay aur paak karnay ka behrateen tareeqa hai.

Quran bhi yehi farmata hai kay kamyabi toh sirf us shaksh ki hai jis nay apnay nafs ko pak aur saaf karliya

kehtay hain kay insaani wajood kay undar nafs shaitan aur dozaqh hai aur insaan ki rooh malaika (angels)aur jannat hai, jaisey Allah ta'ala Quran mein farmata hai:
"aur jo Koi (qayamat key din) apnay parwardigar kay samnay khada honay sey darray ga aur apni nafs ko (har buri) khwahish sey rokay ga toh yaqeenan jannat hi iska thikana hoga" surah an naaziyat.

Is ayat sey yeh maloom hota hai kay nafs ki payerwi,banday ko tabaahi aur barbaadi ki taraf lay jana hai aur falah aur kamyabi ka rasta nafs ki muqhalifat (against) ki rah sey guzar kar hi haath lagti hai

Aakhir mein meri dua hai kay is mahnay ki barkat aur fazilath say hum sab ko rozay kay asal maqsad haasil karnay ki tawfeeq ALLAH ta'ala hummey naseeb karein aur apnay nafs sey jihad karnay ki hidayat dain AMEEN warna sirf bhookay aur pyasay rahnay sey koi haasil nahi Allah ka maqsad hummay bhookay aur pyasay rakhna ka nahi hai magar hum sub ko taqwa aur parhaezgari ki daulat sey maala maal karna hai


Syeda Aasiya Banu
Kuwait

Please Log in or Create an account to join the conversation.

13 years 1 month ago #147 by Shams
Bada hi achcha mazmoon likha aap ne.

Tamam Mahdavi Bhaion aur Baheno ko Mah-e-Ramazan ki purkhloos Mubarakbad.

Khuda Hafiz
Shams

SHAMS

Please Log in or Create an account to join the conversation.

13 years 1 month ago #154 by ammtulmehdi
Ramazan Mubarak to all Mahdavis!!!!!!

Please Log in or Create an account to join the conversation.

Time to create page: 0.063 seconds
© Copyrights Mahdavia.com 1998-2018. All Rights Reserved.